Garage Centraal: Mega opcion pa car show di Aruba Bank

En conexion cu e Mega Car Show di Aruba Bank, Garage Centraal Aruba a prepara un variacion amplio di opcionnan pa tur nan clientela.

Trahando cu e fabricantenan, Garage Centraal a logra di pone disponibel un variacion di autonan den stock cla pa ser busca entre esnan cu ta desea di escohe nan auto durante e evenemento aki.

Esaki ta inclui autonan nobo, tanto di Hyundai, Isuzu, Volkswagen y Leapmotor, cla pa satisface necesidadnan cu style y capacidad pa tur clientela y presupuesto

Den e caso di Hyundai, modelonan disponibel ta cuminsa for di e tremendo Grand i10, disponibel tanto den version Sedan como Hatchback, of e tremendo Hyundai Accent, cual calidad ta legendario y awor ta compaña pa un style extremadamente moderno. Pa locual ta SUV tin disponibilidad di e tremendo Hyundai Creta, cual ta e punto di entrada den e lineup di SUV pa e marca aki.

Un grupo di autonan cual Garage Centraal ta poniendo hopi enfasis riba nan ta e autonan electrico. Den e categoria aki Hyundai ta ofrece e IONIQ 5, cual a gana cantidad di premio pa su style cu calidad, inclui e asina yama “Triple Crown” di World Car Awards, como “World Car Of The Year”, “World Electric Vehicle Of The Year”, y “World Car Design Of The Year”.

Den e caso di e Kona Electric, cual ta un SUV mediano, cu su aspecto cu ta resalta ta su capacidad di duna coriente na aparatonan electronico manera stereo, laptops, of aparatonan cu mester de 110 volts, cual sistema ta conoci como “Vehicle 2 Load”.

Source: 24ora

Hopi importante, e dos autonan electrico di Hyundai ta disponibel awor cu 10% di descuento, i lo cual ta ofrece un incentivo adicional pa ora di escohe un di e autonan aki.

Volkswagen tambe lo ta presente, cu autonan manera e tremendo Tiguan, cual como SUV mediano ta bon conoci riba mercado, y na e momento aki tine disponibel den su versionnan di mas sofistica y avansa, esta e R-Line cu e R-Line “Black Edition”, cual tin cantidad di detaye extra den nan diseño.

Tambe tin disponibel e Volkswagen Taos SUV, cual ta un bunita modelo cu awor tambe tin un special prijs pa esnan cu ta desea di busca e auto aki.

Naturalmente, un marca cual nomber ya caba ta bon conoci na  Aruba ta Isuzu. Y den e marca aki Garage Centraal tin un variacion di opcion tanto den single cab, Xtended Cab como Double Cab.

Finalmente, un marca cual a ser introduci recientemente door di Garage Centraal riba mercado ta Leapmotor, den cual tin dos opcion pa esnan interesa den auto electrico. Esakinan ta e T03, un auto compacto na hopi bon prijs, y e tremendo C11 SUV, un di e autonan tecnologicamente mas avanza na e momento aki na Aruba.

Cu tur e opcionnan aki Garage Centraal tin autonan den stock cla pa cubri e necesidad di tur esnan buscando auto nobo. Pero mas importante, ta ofrece e respaldo solido di servicio cu tecniconan cualifica y certifica door di e fabricantenan, pa asina Garage Centraal su clientela lo keda satisfecho cu nan compra dia nan sali cu e auto for di e showroom, y tanten cu nan keda haci uso di nan auto.

Aruba Bank Mega Car Sale Event ta tuma aplicacion for di awor te cu dia di e show principal na Camacuri. Por pasa cualkier momento na showroom di Garage Centraal, unda full nos Sales Team ta cla pa yuda un y tur cu ta desea di probecha di e Mega Car Sale Event pa yega na nan auto nobo. Ta importante pa esnan interesa por tin nan documentonan disponibel pa prestamo na banco, esta ID valido, rijbewijs, ultimo dos payslip mensual or 4 ultimo payslip quincenal, y carta di trabou.