Garage Centraal Aruba y Reclassering a mustra cu hoben cu a drop out for di scol merece un chens y por ser rescata

Garage Centraal Aruba y Stichting Reclassering den colaboracion cu Openbare Avond-leergangen Aruba tin un storia exitoso pa conta, den e persona di Tyshon Bernabela.

Tyshon a drenta Garage Centraal Aruba como parti di e proyecto Leer Werk Traject cu ta wordo financia door di “Samenwerkende Fondsen Caribisch deel van het Koninkrijk”. E projecto ta pa hobennan cu pa un of otro motibo no ta bai scol. Nan por sigui un trajectoria educacional combina, di bai scol dos dia pa siman y traha “stage” tres bez pa siman den un compania apunta. Den e caso di Tyshon e la haci su stage y e la haal su diploma di Basiskennis Automonteur y rijbewijs cu ayudo di Garage Centraal. Tyshon a haya trabow fiho na e compania y nan lo sigui ofrece cursonan pa Tyshon mantene su mes up to date cu e ultimo desaroyonan den su ramo.

E proyecto di Leer Werk Traject di Reclassering a cuminsa na 2011, enfoca riba hobennan entre 16 pa 25 aña. E meta principal ta pa ofrece no solamente asistencia den nan educacion, pero ademas e oportunidad pa e hoben drenta den un compania como stagiair y yude cria balornan cu por ser usa den futuro.

Reclassering a aserca Garage Centraal Aruba cu un petishon pa aloca Tyshon den servicio di e compania como stagiair na 2014, despues cu ya caba e proyecto a logra un exito den un empleado incorpora den Garage Centraal Aruba mes y a ser dicidi di aloca Tyshon den e compania. Ta importante pa e stagiair drenta den un compania cu por colabora y comunica cu Reclassering. Den caso di Garage Centraal Aruba e comunicacion cu Reclassering a bai excelente, cual a permiti controla y coregi problemanan di manera adecua y liher. E sosten di e mayornan di Tyshon a reforza e proceso pa su logro.

Mama di Tyshon ta gradici Garage Centraal Aruba cu nan colaboracion. Esaki a permiti Tyshon sigui su estudio sin strobacion y e ayudo cu e la haya for di Gerencia y su coleganan den Garage tabata hopi aprecia pa asina e por a supera su obstaculonan. Awe Tyshon por ta orguyoso di por mira na un mihor futuro pa su mes. E tabata un proceso y Reclassering a menciona cu ta importante pa companianan compronde cu e proyecto ta un proceso cu lo rekeri pasenshi y perseverancia.

Tyshon su mayornan a papia hopi cu ne, den e sentido di mustre e importancia pa ta mas madura y independiente den futuro. Su famia tambe tabata dune apoyo den su estudio y e apoyo aki tabata importante pa asina e por a logra e meta di un futuro mas stabiel.

Tyshon su padrastro a conoce Tyshon cu 12 aña, un edad den cual Tyshon tabata pasando den momentonan dificil. Cinco aña despues un oportunidad pa Tyshon a habri den e proyecto di Reclassering. E famia a compronde cu e proyecto tabata e ultimo posibilidad pa Tyshon por a logra un mihor futuro pa su mes. Nan a mencione cu e mester wak e proyecto for di punto como un oportunidad pa un mihor futuro pa su mes. Tin hopi otro hobennan cu no a caba nan scol secundario pa un of otro motibo, y pesey ta importante cu Tyshon a reconoce cu e la crea un stabilidad cu otro hobennan no tin. Tyshon ta un ehempel cu hoben por ta den mal caminda, pero e merece un chens di supera su mes y logra un mihor futuro pa su mes.

Tyshon ta indica cu e ta contento cu e por tin un trabou y cu e por sigui desaroya su mes. E ta duna un danki na Gerencia di Garage Centraal Aruba pa e apoyo den e momentonan bon y malo cu a forma parti di su trayectoria den e proyecto. Locual cu awor a culmina den un trabou fiho na un compania renombra na Aruba. E ta gradici Reclassering pa e apoyo y pa e posibilidad pa drenta den e proyecto. Tabatin momentonan dificil, pero nan a sinje con pa actua mihor den situacionnan similar den futuro.

Leer Werk Traject ta ofrece lugar na 40 hoben. Mirando cu e cantidad di inscripcion ta sobrepasa e cantidad di hoben cu por participa, Reclassering ta haya su mes forza pa hasi un seleccion di esnan mas motiva y esnan cu tin mihor potencial pa logra e metanan di e proyecto. Gran parti di e hobennan ta duna resultadonan positivo, como cu nan ta haya trabou fiho, nan ta sigui cu nan estudio of ta trece cambio positivo den nan circumstancianan personal y nan comportacion problematico ta ser elimina.

E proyecto aki ta algo nobo pa Aruba, pero den otro paisnan e ta forma parti di nan sistema educacional. Tyshon Bernabela ta un muestra cla cu un proyecto manera Leer Werk Traject por ofrece hobennan un salida digno y efectivo, cu por ofrece nan un mihor futuro. Awor Tyshon ta enfrenta su futuro cu un mihor perspectiva y ta indica cu e ta cla pa sigui engrandece su mes.



Tony Hartman Kok

Sales Manager
E: tony@garagecentraal.com
T: 730-3000
               


Johnny Milan

Senior Sales Associate
E: jmilan@garagecentraal.com
T: 593-3778
               


Demis Thielman

Sales Associate
E: dthielman@garagecentraal.com
T: 739-1974
               


Lizzette Koolman

Sales Associate
E: lkoolman@garagecentraal.com
T: 594-4900
               


Alex Dijkhoff

Sales Associate
E: adijkhoff@garagecentraal.com
T: 592-6075
               


Adolfo Gonzalez

Sales Associate
E: agonzalez@garagecentraal.com
T: 563-5074
               


Jerald Winterdal

Sales Associate
E: jwinterdal@garagecentraal.com
T: 660-2425
               

About Garage Centraal

The goal of Garage Centraal Aruba is simple: that everyone that needs a vehicle is able to have a vehicle that satisfies their needs and expectations, with expert service and parts support. That is why we offer brand new, award winning quality vehicles from Hyundai, Isuzu and Volkswagen, along with an extensive catalog of pre-owned vehicles.

We are open from 8:00am till 5:30pm on weekdays and saturday from 8:00 to 12:00pm. Come visit us or call us at 522-6200

Search